من التشرد لـ حياة كريمة.. قصة كفاح سمر نديم مع ”ضحى” (صور)

شاركت الدكتورة سمر نديم، رئيس مجلس أمناء مؤسسة سمر نديم للخدمات والتنمية، قصة كفاح عاشتها برفقة إحدى سيدات القصر "ضحى"، وآلية تغيير مصير حياتها من التشرد بالشوارع حتى الوصول إلى دار زهرة مصر للكبار بلا مأوى.

وأوضحت الدكتورة سمر نديم: "أول مرة أنقذ فيها.. ضحى.. كان في 2021.. الحمدلله قدرت أحافظ عليها لحد الآن..".

ويذكر أن بداية قصة إنقاذ ضحى، إحدى سيدات القصر في دار زهرة مصر، في عام 2021، مشيرة الدكتور سمر نديم: "أول ما شوفت صور ضحى.. لقيت نفسي بعيط وحاجة بتقولي لازم تروحي لها دي بنت وازاي هتفضل في الشارع، يدوب كنت لسه داخلة البيت.. اتعشيت وصليت وبقول يدوب أنام كام ساعة ولقيت الخبر قولت أنا كدة مش هعرف أنام لازم انزل للبنت دي.. وبالفعل نزلت رمسيس قصاد مسجد الفتح عند الشركة القومية للتوزيع.. ورحت لقيتها الحمد لله مكانها وخدتها".

وتابعت الدكتورة سمر نديم: "ومن هنا بدأت معاها الرحلة اللي اتعودت عليها مع كل حالة بأخذها من الشارع لدار رعاية عشان تعيش حياة كريمة،
اللى حسيته أن ضحى عاشت في تنمر وجحود كبير من الأب وهو اللى وصلها للشارع وبعد ما عانيت عشان أوصلها للدار وأول دار رفضوا يقبلوها عشان مش معاها البطاقة.. حسيت أن الدنيا أسودت في عيني ودقايق ولقيت دار بسمة للإيواء بيكلموني عشان يستقبلوا ضحى.. والدنيا رجعت نورت تاني فى عينيا وقولت الحمد لله دايما وابدا".

وقدمت سمر نديم رسالة لكل أب وكل أم: "أولادكم أمانة في أيديكم.. حافظوا على النعمة اللى ربنا أدهالكم".