”سمر نديم”.. لو أعرف أن الشهرة كدة مكنتش إتمنتها
تساؤلات يطرحها البعض منا عندما نرا أحد المشردين في الشوارع.. كيف يأكل.. كيف ينام.. لم نكتفي بذلك نفكر بعمق هل حياة الشوارع خطيرة.. ولكن السؤال الحقيقي هنا ما الذي يمكننا ان نقوم به لحماية هؤلاء المشردين من الشوارع؟
وكان الرد على هذه الاسئلة داخل دار زهرة مصر التي حضنت العديد من السيدات المشردة في الشوارع و التي تهرع إليهم بكل حب لمساعدتهم وحمايتهم من أهوال الليالي، حيث أوضحت لنا ذلك من خلال كتابها مشرد حول العالم عندما احضرت ماما جليلة أحد نزيلات الدار كمثال حي نقتضي به جميعنا، وهذا ما جعل موقع زهرة مصر يتحدث مع الدكتورة سمر نديم لنعلم ما تقوم به مع هؤلاء السيدات كبار السن دون مأوى.
جليلة ملاك من ملائكة دار مصر بحبها جدا وبأخذ ديما بركتها، كلمات بدأت بها سمر نديم حوارها مع موقع زهرة مصر.
* أخذتي شخصية من شخصيات مشرد حول العالم معاكي المعرض أثناء عرض الكتاب كان إية هدفك من تواجدها معاكي؟
قالت الدكتورة "سمر نديم" مؤسسة دار زهرة مصر: "ماما جلية ملاك من ملائكة دار زهرة مصر أخذتها معرض الكتاب أثناء توقيع مشرد حول العالم لسببين الأول انا بحبها جدا وبحب أخذ بركتها لأن هي فيها روحنيات حلوة جدًا والثاني علشان الناس تشوف المشردين في الشوارع بعد العلاج والأمل وشوية حب وحنان وأهتمام وصلت لأية، ماما جليلة أصبحت شخصية عامة و معروفة و الناس بتقتضي بيها و كمان بيتصورا معاها حبيت اعرف الناس مراحل التطور اللى وصلت ليها وانها بس كانت محتاجة حد حقيقي في حياتها علشان تستعيد نفسها من جديد".
* بيقولوا انك بتحولي تكسبي تعاطف الناس في اللايف اللى انتى بتعملية ردك ايه علي اللى بيقول كده؟
أكملت "نديم": "اللى بيعمل فيديوهات يكسب بيها تعاطف الناس بتكون مسجلة ومعاها كدة شوية مؤثرات موسيقية حزينة علشان يعرف يصطنع الحزن في الفيديوهات وبيكون باين أوي، لكن أنا بطلع لايف على طول ومش بكون محضرة الكلام اللى هقوله بتكلم بتلقائية وبطبيعتي فرحانة بتكلم وانا فرحة حزينة بتكلم وانا حزينة حتى لما بكون متعصبة بتكلم وانا متعصبة يبقي ازي بكسب تعاطف الناس".
* سمر نديم بتحبي الشهرة؟
تابعت "نديم": الشهرة دي نعمة ونقمة في نفس الوقت، زمان وأنا طفلة كنت لما بتفرج على الفنانين في التليفزيون و الممثلين كنت بقول نفسي أطلع زيهم وأكون مشهورة ومعروفة، بس لو كنت أعرف أن الشهرة فيها مصاعب وتحديات مكنتش هتمناها نهائي، أنا كنت شيفة الحاجة حلوة من وجهة نظري من بعيد لكن لما الشخص بيعيش جو الحاجة نفسها بيعرف ان الشهر دي مش حاجة حلوة ، أنا وصلت لمرحلة أني مش عرفة أعيش حياتي زي الناس الطبيعية، طول الوقت مترقبة من الناس عاوزين يعرفوا تفاصيل حياتي شكلها ايه، باكل اية بشرب ايه فين بيتي فين ولادي، ودا مخليني مش عرفة أعيش حياة طبيعية، انا لو بحب الشهر كنت هقول لأولادي قولوا لأصحابكم إن مامتكم صحبة دار زهرة مصر، طيب هقولك سر أنا لما بروح اي مكان مش بقول أنا مين الا لو هما عرفيني بسلم واتكلم عادي لكن لو مش كده مش بتكلم خالص.
* في ناس بتقول انك بتحولي تاخدي دور الاستاذة عبلة الكحلاوي رحمة الله عليها؟
تعجبت سمر من السؤال قائلة: الأستاذة عبلة الكحلاوي مستحيل، مقدرش أخذ دورها طبعا ، الله يرحمها هي كانت علم وقيمة وقامة وبعدين هي شخصية هدية جدا انا اجي جنبها ايه، انا عصبية جدا ازي اخد دورها حتى طريقة كلامي واسلوبي مفيهوش تشابه بيني وبينها، وقالت سمر اتمني أكون مثل الاستاذة عبلة الكحلاوي طبعا، هي زي ما قولت في الأول دكتورة جامعية تدرس لألاف الطلاب وثانيا هي قيمة علمية وقامة ، لكن انا عبد فقير إلى الله .
* قولتي ان الشعراوي كان بيكسر نفسة بغسل الحمامات سراً ليه سمر نديم بتكسر نفسها علنًا؟
ردت "سمر": أنا بقدم رسالة للناس بأنهم يقتضوا بالعمل الخيري، ومش لازم العمل الخيري يكون تبرعات فقط لاء العمل الخير هو أننا نساعد الغير من غير أي مقابل في ناس كتير مسنين مش بيقدرو يتحركوا من اماكنهم ليه أحنا منكنش في ظهرهم ، يعني مثلًا أنا لما بعمل لايف وأنا بنظف فى الدار وبطبخ وبمسح بأيدي وبساعد سيدات القصر وهما مش من لحمي ودمي ليه.. علشان أوصل للناس أن العمل الخير مش في التبرعات بس البسمة الحلوة في وشهم عمل خيري اني اجبر خواطرهم عمل خيري، انا صحبة الدار لكن عمل الخير مش هيسألك انت مين وبتعمل ليه كده، وزي ما قولت قبل كده حب الخير للغير من غير أي مقابل ربنا هجازيك علية خير.
وأوضحت "نديم": أنها ليست أمام الكاميرات فقط وداخل دار زهرة مصر ولكنها هكذا مع والدتها، تذهب إليها وتفعل ما تفعله داخل الدار من نظافة وأهتمام ولم تكتفي بذلك ولكنها تذهب إيضا إلي والد زوجها وتقوم براعايته، وعند تجمعها مع اقاربها تفعل ذلك ايضا.
وذكرت سمر أنها صادفت الكثير من الأبناء العاقين بأمهاتهم وأبائهم، وأنهم يتركون أهاليهم بالشهور دون النظر إليهم مؤكده على تواجد هذه النماذج كثيرا، وقالت "نفسي الناس دي متكنش موجوده في العالم"، لذلك أقوم بعمل هذه الفيديوهات علشان يقتضوا مني على الأقل في مساعدة الناس و قريبهم ، وأنهت نديم السؤال بأن لو كل الناس ساعدت بعض مش هيكون في مشردين في الشوارع.
* سمر نديم أمتي حسيتي أنك موجوعة أوي؟
أنا عمري ما حسيت بالوجع إلا لما جوزي بيكون بعيد عني لأنه كل حياتى، وأي وجع تاني مش مهم عندي طالما هو موجود، تهون أي حاجه في الدنيا طول ما أنا في قرب جوزي.
* سمر نديم دار زهرة مصر اتعلمتي منها اية ؟
الدارعلمتني حاجات كتير خاصة من سيدات القصر اكتسبت منهم روحنيات كثيرة وعادات ربانية حلوة جدا، مثلًا " قرأة ورد من المصحف وبعده أفتح المصحف على أخر ورد قرأته بجواري، أني اسبح وتفضل السبحة في يدي لأنها فيها بركة، اتعلمت الدعاء يكون على لساني ديما، وانى لازم اشغل القرآن طول الوقت علشان البركة و الرزق اتعلمت منهم حاجات حلوة كتير أوي بالأخص ماما "نجية" اتعلمت منها حاجات روحنية كتير، أنا بتعلم منهم ديماً.
* كلميني عن شخصيتك عيوبك مميزاتك؟
انا واحدة من الناس عصبية جدا دي عيوبي مميزاتي زي ما سألتي كده وقالوا ليكي طيبة ومتسامحة وبحب جدا العمل الخيري، وبحب مساعدة الناس يعنى انا خدومة جدا ودي شهادة الناس فيا، وكمان لو محدش طلب مني وانا شيفة انه محتاج مساعدة بساعد على طول من غير تردد.
* ايه اللى خسرتية في حياتك ؟
انا الحمدلله مخسرتش حاجه في حياتي و انا بحمد ربنا على النعم اللى انا فيها، عندي بيتي وجوزي واولادي ، الحمدلله على نعمة الستر والأمن و الأمان اللى ربنا كرمني بيهم، الحمد لله حققت احلام كتير انا كنت بتمناها.
* أكيد تعرفي الابراج رأيك ايه فيها وانتى برج ايه؟
أنا مش بعتقد في الابراج نهائي لاني انا عارفة انها مش حاجة بتاعت ربنا ولكن انا برج القوس ودا برج ناري بس الابراج انا مش حطاها مقياس عندي.
ونهت نديم حوارها بنصيحة لمتابعينها على مواقع التواصل الإجتماعي وقائلة " عمل الخير من الأخلاق الحميدة فعندما يفعل الإنسان الخير فإنّه يأخذ الثواب والأجر من الله تعالى في الدنيا والآخرة، ويكفيه من ذلك حب الآخرين وكسبه احترامهم له، وأكدت على أن أعمار الأمهات لا تقاس بالسنين بل بما استودعه الله في قلوبهن من خير العطاء، فإن أحببت الخير للخير، وإن كرهت الشر للشر، وهذا وحده يكفي في التقدم به إلى الله، ولا تندم على حسن الخلق ولو أساء إليك الناس، فلئن تحسن ويسيئون خير من أن تسيء ويسيئون.
