«الفلوس جننت النفوس».. سمر نديم تعيد الثقة لـ «الدكتورة صابرة» بعد سطو أهلها على فلوسها

الدكتورة صابرة، سيدة تعرضت لانتهاكات من أقرب الناس لها، أهلها أخذوا معاشها وأموالها، وانتهى الحال بها في الشوارع، فقدت الثقة في الجميع، قبل أن تنقذها سمر نديم، لتعيد لها الشعور بالآمان والحماية داخل دار زهرة مصر للكبار بلا مأوى.

حكاية الدكتورة صابرة في دار زهرة مصر

روت دكتورة الإنسانية سمر نديم، مؤسسة دار زهرة مصر للكبار بلا مأوى، حكاية الدكتورة صابرة، التي كل من يسمعها يصاب بالدهشة التعجب ويردد: «بجد دكتورة».

فلا يمكن لأحد تخيل ماذا حدث بتلك السيدة حتى سردت سمر نديم القصة وهي تقول: «دكتورة مشردة بسبب جحود أهلها وطمعهم في فلوسها ومعاشها وصلت في الآخر للشارع».

واستكملت: «الدكتورة صابرة معاها بطاقتها وجواز السفر الست دى اتعرضت لانتهاكات من أقرب الناس ليها لدرجة أن هى معندهاش ثقة في حد ابداً».

وأضافت: «حتى أنا مكنتش واثقة فيا لحد ما عدت علينا ليلة كاملة داخل دار سيدات القصر زهرة مصر للكبار بلا مأوى، بعد ما إنقذتها امبارح ليلة في دار زهرة مصر فرق في حياتها كتير، قعدت معايا واتكلمت معايا وحكت قصتها كلها وقد إيه هي ست جميلة، لكن اتعرضت لأذى نفسي وكل ده ليه عشان الفلوس، الفلوس جننت النفوس الست دي هتفضل عندي في دار زهرة مصر».

الدكتورة صابرة ترفض الرجوع لأهلها

وقالت سمر نديم: « بنت اختها كلمتني عشان تيجى تاخدها وأنا مكانش عندى اعتراض لكن بعد ما الدكتورة صابرة رفضت وقالت لا خلينى عندك، مش همشى من هنا فرق عندي كتير وحلفت ما هاتخلى عنها وهي خسارة في اهلها اللي محدش فيهم قدرها، إحنا أهلها وإحنا ناسها ربنا يشفيها ويعافيها يارب».