بعد ساعات من الانتظار… سمر نديم: اللي حصل معايا استدراج مهين

ظهرت الكاتبة سمر نديم في بث مباشر على صفحتها بموقع "فيسبوك"، أثناء تواجدها أمام قسم شرطة السنبلاوين، بعد استجابة منها لنداءات متكررة أفادت بأن السيدة "وردة" عادت للشارع مرة أخرى.

نديم أوضحت أنها تلقت اتصالًا من شخص يُدعى "أحمد"، قال إنه يحتفظ بوردة وأنها تعاني من اضطرابات نفسية، وطلب منها الحضور لاستلامها. وبعد وصولها من القاهرة وانتظارها أمام القسم لساعات منذ الساعة 11 صباحًا، لم يظهر الشخص أو يحضر وردة، رغم وعوده المتكررة بـ"10 دقائق وهكون عندك".

قالت سمر في البث: "في تسجيل صوتي عندي من الشخص دا بيأكد إن وردة معاه، وطلب مني أسيب كل حاجة وأسافر، ولما وصلت فضّل يماطل لحد دلوقتي، وأنا واقفة قدام القسم ومفيش أي رد فعل، ولا وردة ظهرت".

وأضافت: "أنا مش فاهمة ليه يحصل معايا كده! لا أعرف الشخص دا ولا بيني وبينه خصومة، ليه يطلب مني آجي وأسافر وفي الآخر مفيش حاجة؟".

نديم أكدت أنها ستقوم بتحرير محضر إثبات حالة في قسم شرطة بدر، يفيد بأن أهل وردة تخلوا عنها وألقوا بها في الشارع مجددًا، قائلة: "أنا عملت اللي عليا وسلمتها ليهم بمحضر، ومش هسمع كلام حد تاني".

واختتمت حديثها بانفعال واضح، قائلة: "أنا أم وعندي مسؤوليات وطفل رضيع، وجاية من المقابر بعد زيارة والدي وانهاردة الاربعين بتاعه، واللي بيحصل دا فوق طاقتي. حسبي الله ونعم الوكيل في كل من يتلاعب بآلام الناس".