شاهد بالفيديو.. بعد رفض الأهالي استلامهم.. 34 مسنًا في رعاية سمر نديم بلا مخرج

وجهت الكاتبة سمر نديم استغاثة مؤثرة عبر حسابها الرسمي على موقع التواصل الاجتماعي، كشفت فيها عن أزمة حقيقية تعاني منها داخل دار "زهرة مصر" لرعاية كبار السن بلا مأوى.

وقالت نديم في حديثها: "عندي في الدار 34 نزيلاً، حرفيًا أهلهم مش عايزين ياخدوهم! كل يوم بحاول أوفّر لهم الأكل والعلاج والرعاية، وبنأهّلهم نفسيًا بعد ما تعبوا من الشارع والإهمال، لكن بمجرد ما بيظهر لأحدهم أهلية أو طرف من العائلة، وزارة التضامن بتطلب مني تسليمه فورًا، وتقولّي انتي كدا خلص دورك، سواء رجع الشارع أو ما رجعش، مش مسؤوليتك!".

وأوضحت نديم أنها تجد نفسها محاصرة بين 3 أطراف، قائلة:
"الوزارة عاوزاني أسلم، والأهالي مش عاوزين يستلموا، والناس على السوشيال بتهاجمني لما الحالة ترجع تاني للشارع! طب أنا أعمل إيه؟!".

وأضافت: "أنا مش بس متحملة مسؤولية إنسانية صعبة، أنا كمان بتعرض لهجوم واتهامات باطلة، في حين إن كل اللي بعمله إني بحاول أحمي الحالات وأوفر مكان لحالات جديدة عايشة على الرصيف".

وناشدت نديم الجهات المسؤولة قائلة:"أنا محتاجة حل.. مش معقول أسيب الناس دي للشارع، ومش قادرة أفضي مكان لغيرهم، ومش قادرة أجبر أهاليهم على الاستلام.

وختمت رسالتها بنداء إلى متابعيها: "ساعدوني، قولوا لي أعمل إيه! أنا محتارة ومش عارفة أخد القرار الصح، وأي خطوة بعملها بتتقلب عليا!".