أنا عملت اللي عليّا قدّام ربنا.. سمر نديم تكشف تفاصيل اختفاء وردة بعد استلام أهلها لها
نشرت الكاتبة سمر نديم رسالة مؤثرة عبر حسابها على موقع التواصل الاجتماعي "فيسبوك"، عبّرت فيها عن حزنها بعد ضياع "وردة"، التي سبق إنقاذها من الشارع وإيواؤها في دار "زهرة مصر".
وقالت نديم: "أنا عملت اللي عليّا… وردة كانت معانا في دار زهرة مصر، في أمان، وفي حضن نظيف بيراعيها. لكن لما أهلها جم وخدوها، رجعت تاني للشارع… رجعت للمكان اللي المفروض مترجعلوش أبدًا".
وتابعت: "أنا مسكت في قلبي وسافرت لحد السنبلاوين علشان آخدها وأرجّعها، علشان أرجّع لها حقها في الأمان اللي كانت فيه، بس لما وصلت… ملقتهاش".
وأوضحت أنها لم تكن تسعى سوى للحفاظ على حق وردة في الحياة الكريمة: "مكنتش عايزة غير إنها ترجع مكانها الحقيقي اللي احتضنها، وإن ماقدرتش أرجّعها، يكفيني إني حاولت".
كما وجّهت رسالة مؤلمة لكل من يهملون آباءهم وأمهاتهم قائلة: "اتقوا الله في أهاليكم اللي ربوكم وكبروكم علشان تشيلوهم لما يكبروا، مش علشان ترموهم في الشارع".
وفي نهاية رسالتها، دعت من قلبها: "يارب ردلنا وردة… يارب إنت أعلم بيها منا وعالم بحالها".
كلمات نديم أثارت موجة من التفاعل والدعم من متابعيها، الذين طالبوا بتكثيف الجهود للعثور على وردة وإعادتها إلى مكانها الآمن.