شاهد بالفيديو...سمر نديم: ”نسرين رمتنا بالزبالة ورفضت الإنقاذ… بس ما استسلمتش”

شاركت الكاتبة سمر نديم جمهورها بمقطع فيديو من لقائها في برنامج قعدة صفاء على قناة "هي"، تحدثت خلاله عن أصعب موقف إنساني واجهته خلال رحلتها في إنقاذ الحالات المشردة، مؤكدة أن حالة "نسرين" كانت الأصعب.

قالت نديم: "نزلت لنسرين 3 مرات علشان أنقذها، أول مرة شتمتنا ورمتنا بالزبالة اللي حواليها، المنظر كان مرعب ومقدرتش أتعامل معاها فمشيت. تاني مرة نفس السيناريو، لكن في المرة التالتة قررت إني مش هسيبها، وجبت فريق طبي متخصص، وبالفعل أخدناها وحطيناها في الدار".

وأضافت أن "نسرين" أصبحت الآن واحدة من المقيمات في دار "زهرة مصر" منذ حوالي ثلاث سنوات، بعد أن خضعت لعلاج نفسي ورعاية مستمرة.

وأكدت سمر على أهمية وجود طبيب نفسي في الدار منذ اليوم الأول، مشيرة إلى دور الدكتور جابر الذي كان الداعم الأساسي لها في أغلب عمليات الإنقاذ، وخاصة في حالة نسرين.

وأوضحت أن أغلب الحالات في الدار تعاني من أمراض نفسية مزمنة مثل الفصام، التوحد، الزهايمر، والزوهام، قائلة: "مفيش إنسان سوي ممكن يختار يعيش في الشارع… كل حد فيهم محتاج فرصة ورعاية واحتواء".

سمر نديم شددت على أن إنقاذ حياة إنسان من الشارع مش بس محتاج شجاعة، لكن كمان صبر وتفهم، وقالت: "اللي بيعيش في الشارع مش بيكون محتاج أكل بس، بيكون محتاج أمان نفسي قبل أي حاجة".