سمر نديم تهنئ متابعيها بالسنة الهجريةالجديدة

هنئت الكاتبة سمر نديم عبر حسابها الشخصي على موقع التواصل الاجتماعي "فيسبوك"، متابعيها بمناسبة حلول السنة الهجرية الجديدة، دعت فيها جمهورها للتأمل والمراجعة، وبدء عامهم بنوايا صادقة وخطوات قريبة من الله.

وكتبت نديم في منشورها:"كل سنة وإنتوا أقرب لربنا.. سنة هجرية جديدة بنوايا جديدة."
وأضافت:"أهو سنة هجرية جديدة بتبدأ… وكل ما بتعدّي سنة من عمرنا، بنحس قد إيه الدنيا بتجري، والقلوب محتاجة وقفة، وقفة كده نراجع فيها نفسنا."

وسردت نديم مشاعر متباينة مرت بها هي وآخرون خلال العام الماضي، قائلة:"السنة اللي فاتت كانت مليانة حاجات… فيها اللي فرح، وفيها اللي وجع، ناس راحت وناس جت، أيام عدّت علينا تقيلة، بس عدّت، وفضل في القلب يقين إن ربنا أحن من إننا نشيل الهم لوحدنا."

واستشهدت بحديث النبي ﷺ: "إنما الأعمال بالنيات، وإنما لكل امرئٍ ما نوى"، مؤكدة أن بداية السنة الهجرية فرصة جديدة للنية والتوبة وتصحيح المسار.

كما دعت متابعيها للتأمل في الهجرة النبوية ومغزاها، مستلهمة منها دعوة للهجرة من الذنوب والتقصير، ومن كل ما يبعد الإنسان عن نفسه وعن ربه.

واختتمت رسالتها بدعاءوأمنيات للسنة الجديدة، قائلة:"السنة دي… عايزينها تكون مختلفة. نكتب نوايانا في ورقة ونعلّقها قدّام عنينا. عايزين نقرب، نطمن، نرتاح… والطريق لده كله اسمه ربنا."

وانهت حديثها قائلة:"كل سنة وأنتم طيبين… كل سنة وقلبكم أنضف، ونفسكم أهدى، وسجودكم أطول… ابدأوا السنة دي بنية ترضيه، وهو هيكمل معاكم المشوار."